Q's Choice

2013年6月23日星期日

2013年6月22日星期六

食後感: Muji Café & Meal

Muji Café & Meal

今日唔想食噤飽，所以就去試下間新嘢喇。都有心理準備一定大把無印Fans嚟潮聖，所以見到條龍都無乜奇怪。好彩都係等咗15分鐘度啫。用餐區唔算太大，大概有50個位左右啦；中間仲有一張大長方木枱。

叫嘢食要出去點餐。佢哋提供三種正餐選擇及數款甜品。正餐方面有三式或者四式揀，如果唔係都仲有咖哩飯。

好!我今次試吓佢個四式先(可以試多啲嘛)，我哋兩個人可以揀八種；四個冷盤及四個熱食。正!試得幾多得幾多。

食物大細偏細及精緻。味道唔錯！不過有啲熱門嘢就好快無。所以早啲嚟囉！

怕唔怕唔飽？得果四堆仔嘢！？其實每份餐都有配白飯或者十殻米，仲有飲品。你可以揀無印烏龍茶或者其他嘢飲，麵豉湯都可以。所以其實係啱啱好。食得落仲可以再加甜品添！招牌焦糖布丁，雪糕等。我就食唔落喇！

順便一提而家消費滿$110就有限定版麻布環保袋及木筷子一對，手快有；手慢無！我建議大家可以叫個四式再加甜品就可以擁有喇！

有時間記得分享比朋友，記得"LIKE"我哋個page，所有潮流資訊品評為你一一放送。

#Muji Café & Meal #Lee Garden

2013年6月19日星期三

2013年6月17日星期一

The Monsters are almost Ready!!!

WoW!! Remember to go to the Monster University at Time Square next week....

Don't forget to 'Like' our page and WoW more friends.

2013年6月14日星期五

Love Smile, Love Cheese

Cheese Lover北海道札幌芝士撻

有Fans介紹Sogo最近引入咗來自北海道札幌嘅現焗芝士撻，我梗係唔執輸即刻走去試吓。

一落到Sogo個超市就見到人山人海。隨咗我想食嘅芝士撻之外，原來仲有其他嘅北海道名物。特濃芝士蛋糕，牛奶瑞士卷，滑滑芝士布甸等。現場仲有由日本廚師親手送上嘅試食。So Japan呢!

好講番個主角先，睇嚟因為太受歡迎。當我行到過去竟然一個都無得番啲盒。然後我問個日本廚師哥哥，佢話有，不過要等多20分鐘先至有。

等。。等。。等。。

20分鐘過後。

新鮮熱辣萬眾期待嘅芝士撻終於出爐了!

勁香嘅水牛芝士味，一放入口就散發住超濃嘅牛奶味。實在好味得太過份喇。再者估佢唔倒連個撻都做得好，出奇哋脆。講多無謂，快啲去買番個試吓啦!

2013年6月12日星期三

PROJECT ROOM－G << Grand Pacific Le Daiba - GUNDAM Room >>

我嘅童年

相信日本東京台場大家去過唔少次。行Outlet，去大江戶浸溫泉，睇彩虹橋，迷你自由神像，仲有著名地標東京電視台。當然唔小得每位少男嘅兒時玩伴 – 巨型1:1高達。

喺台場嘅格蘭太平洋大酒店（GRAND PACIFIC LE DAIBA）暨上年6月起推出高達概念房「PROJECT ROOM－G」特別房與標準房之後，即將喺今年6月推出全新嘅概念房「PROJECT ROOM－G‧查布羅」（ジャブロータイプ），以動畫《機動戰士高達》系列裡南美洲地球聯邦要塞查布羅嘅地球聯邦軍同吉翁公國軍嘅攻防為藍本。全房以迷彩為主調，每一個細節都會令你聯想起動畫嘅情節；就連Room Service都有特別餐。呢啲童年嘅白日夢終於成真喇。仲唔快啲計劃吓嚟緊嘅東京之旅。